კეპლერი ახალ სამყაროთა მიჯნაზე

ახლახან ცნობილი გახდა NASA-ს კეპლერის კოსმოსური ფოტომეტრის კიდევ ერთი დიდი  აღმოჩენის შესახებ, შეგახსენებთ კეპლერის ფოტომეტრული ობიექტივით აღჭურვილი კოსმოსური თანამგზავრი 2009 წელს იქნა გაშვებული, მისი მისია დედამიწის მსგავსი (სიცოცხლის არსებობისთვის ხელსაყრელი) პლანეტების აღმოჩენაა.  კეპლერმა 2000 სინათლის წლის მოშორებით აღმოაჩინა პლანეტათა აქამდე ყველაზე დიდი სისტემა, რომელიც ვარსკვლავ კეპლერ 11-ის გარშემო გარემოიქცევა.

 

“კეპლერ 11-ის პლანეტათა სისტემა გასაოცარია” -ამბობს ჯეკ ლისაუერი – ასტრონომი და კეპლერის მისიის ჯგუფის წევრი ნასას ეიმსის კვლევითი ცენტრიდან “ის გასაოცრად კომპაქტურია, საოცრად ბრტყელი, (ერთ სიბრტყეზე) საოცრად დიდი რიცხვი მსხვილი პლანეტებისა რომლთა ორბიტებიც ასე ახლოა ვარსკვლავთან, ჩვენ წარმოდგენა არ გვქონდა თუკი ასეთი სისტემები საერთოდ არსებობდა.”

სხვა სიტყვებით რომ ვთქვათ კეპლერ 11 არის, სრული, ყველაზე კომპაქტური პლანეტათა სისტემა, რომელიც კი აქამდე აღმოუჩენიათ რაღათქმაუნდა ჩვენი მზის სისტემის გარეთ.

“ცოტა ვარსკვლავია ცნობილი, რომელთა გარშემოც გარემოიქცევა ერთზე მეტი პლანეტა და კეპლერ 11 არის პირველი ვარსკვლავი მათ შორის რომელსაც გააჩნია სამზე მეტი პლანეტა” – ამბობს ლისაუერი ” ჩვენ ვიცით რომ მსგავსი სისტემები არაა ჩვეულებვრივი მოვლენა, უდავოდ მცირეა შესაძლებლობა, ერთ პროცენტზე ნაკლები რომ ასეთ ვარსკვლავებს გააჩნია კეპლერ 11-ის მსგავსი სისტემები, ეს არის ათასში ერთი, ათი ათასში ერთი ან თუნდაც მილიონში ერთი. არ ვიცით რადგან ჩვენ აღმოვაჩინეთ მხოლოდ ერთი მათგანი.”

ყველა, ექვსივე პლანეტა, გარემოიქცევა ორბიტაზე ყვითელი ჯუჯა კეპლერ 11-ის გარშემო, ყველა მათგანი დედამიწაზე დიდი პლანეტაა, ყველაზე დიდების ზომა ურანისა და ნეპტუნის ზომას უტლოდება, უახლოესი პლანეტა ვარსკვლავთან კეპლერ 11b ათჯერ უფრო ახლოა ვიდრე დედამიწა მზესთან. დანარჩენი პლანეტები Kepler-11c, Kepler-11d, Kepler-11e, Kepler-11f და უკიდურესი Kepler-11g-ც კი ორჯერ ახლოა ვარსკვლავთან ვიდრე დედამიწა მზესთან

“შიდა ხუთი პლანეტა, ყველა ახლოა საკუთარ ვარსკვლავთან ვიდრე რომელიმე პლანეტა ჩვენ მზესთან და მეექვსე პლანეტაც საკმაოდ ახლოა” – ამბობს ლისაუერი.

ახალ აღმოჩენილი პლანეტები ჩვენი მზის სისტემაში რომ გადმოვსვათ, კეპლერ 11g-ის ორბიტა იქნებოდა მერკურისა და ვენერას ორბიტებს შორის. დანარჩენი ხუთი პლანეტა კი იქნებოდა მერკურისა და მზეს შორის. შიდა პლანეტების ორბიტული გარშემოვლის პერიოდი  10-დან 47-დღემდეა, კეპლერ 11g-ის პერიოდი კი 118 დღეა

“შიდა ხუთი პლანეტის ზომების და მასების დადგენით, ჩვენ განვსაზღვრეთ რომ ისინი არიან  პატარა  ეგზოპლანეტათა რიგებში, კლდოვანი და გაზის პლანეტათა მიქსი, შესაძლო წყლის შემცველობით, კლდოვანი მასალა იკავებს პლანეტის მასის უმეტეს ნაწილს ხოლო აირი მოცულობის უმეტეს ნაწილს”

პლანეტათა სისტემის გამოკვლევა კვლავ გაგრძელდება და მასში დედამიწაზე არსებული დიდი ტელესკოპები და ობსერვატორიებიც ჩაებმევიან. შესაძლოა ამ სისტემაში მეშვიდე პლანეტაც კი აღმოჩნდეს. ასე რომ დაველოდოთ.

ალბათ დიდ ხანს კიდევ არ გვექნება იმის საშუალება რომ ასეთი შორეულ პლანეტები პირდაპირი წესით აღმოვაჩინოთ და დავაკვირდეთ, მაგრამ ნელ ნელა ცხადი ხდება რომ არც ჩვენი მზის სისტემაა ერთადერთი და არც ჩვენი პლანეტა იქნება ეული ოაზისი სამყაროში. სადღაც აუცილებლად იქნება სიცოცხლე და გონიერი ცივილიზაცია.

წყარო: nasa.gov