დიდი აფეთქება ღვთიური ნაპერწკალის გარეშე?

ჩვენმა სამყარომ დაიწყო არსებობა 13,75 მილიარდი წლის წინ ღმერთის დახმარების გარეშე – ამბობენ მკვლევარები.

შეიძლება ეს ყველაფერი ჩვენ ინსქტიქტურ წარმოდგენებს შორდება, რომელიც მოგვიწოდებს ვიფიქროთ რაღაცის არაფრისგან შექმნის შეუძლებლობაზე. მაგრამ აუცილებელი არაა ინსქტიქტებს ვენდოთ. თუმცა ისინი ჩამოყალიბდნენ ჩვენ გადასარჩენად აფრიკულ სავანებში 150 000 წლის წინ,  მაგრამ სამყაროს ფუნდამენტურ სტრუქტურაში ვერ ერკვევიან. ამბობენ ფიზიკოსები: ნაცლვად ინსქტიქტებისა უნდა ვენდოთ ფიზიკის კანონებს.

“დიდი აფეთქება უნდა იყოს შედეგი ფიზიკის კანონების არსებობისა” ამბობს ასტროფიზიკოსი ალექს ფილიპენკო (კალიფორნიის უნივერსიტეტი ბერკლი) “ფიზიკის კანონებით შეგიძლია სამყაროს შექმნა”

ფილიპენკომ ისაუბრა კონფერენციაზე SETICon დისკუსიის ფარგლებში: “ჭირდება დიდ აფეთქებას ღვთიური ნაპერწკალი?” მან თავი შეიკავა განცხადებისგან რომ ღმერთი არ არსებობს, უბრალოდ ყურადღება გაამახვილა იმაზე რომ სამყაროს შექმნას არ ჭირდება ყოვლისშემძლე შუამავალი და რომ ფიზიკის კანონებმა მისცეს დასაბამი ყველაფერს. “არ მგონია შესაძლებელი იყოს მეცნიერების გამოყენებით ღმერთის არსებობის დამტკიცება ან უარყოფა” ამბობს ფილიპენკო.

შემდეგ ის კლასიკურ “ქათმის და კვერცხის” არგუმენტზე ამახვილებს ყურადღებას “რატომ არსებობს ფიზიკის კანონები?” თქვენ იტყვით: “აი აქ არის საჭირო ღვთაებრივი შემოქმედი, რომელმაც შექმნა ფიზიკის კანონები, –ნაპერწკალი რომელმაც წარმოშვა ფიზიკის კანონები? – მე არ ვიცი რამ წარმოშვა ღვთაებრივი ნაპერწკალი, ამიტომ მოდი შევჩერდეთ ფიზიკის კანონებზე”

სტივენ ჰოკინგი:

2010 წელს ბრიტანელმა ცნობილმა ასტროფიზიკოსმა სტივენ ჰოკინგმა თავის წიგნში: The Grand Design თქვა: “რადგან არსებობს ისეთი კანონი როგორიცაა გრავიტაცია, სამყარო შესაძლებელია და წამოშობილი იქნება კიდეც თავისთავად, არაფრისგან. სპონტანური წარმოქმნა არის მიზეზი იმისა თუ რატომ არსებობს რაღაც არაფრის ნაცვლად. თუ რატომ არსებობს სამყარო, რატომ ვარსებობთ ჩვენ” გარდიანთან ინტერვიუში ჰოკინგმა ასევე აღნიშნა:

“მე ტვინს როგორც კომპიუტერს ისე ვუყურებ, რომელიც შეწყვეტს  მუშაობას როცა მისი კომპონენტები მოიშლება. არ არსებობს ზეცა ან ცხოვრება სიკვდილის შემდეგ გაფუჭებული კომპიუტერებისთვის, ეს არის ზღაპარი ადამიანებისთვის რომელთაც უკუნეთის ეშინიათ”

კვანტური ფლუქტუაციები:

კვანტური მექანიკის ძალიან უცნაურ სამყაროში, რომელიც აღწერს სუბატომური სამყაროს ქმედებებს, შემთხვევითმა ფლუქტუაციებმა შესაძლებელია წარმოქმნან ენერგია და მატერია არაფრისგან. ამ ყველაფერმა შესაძლებელია განაპირობოს ძალიან დიდი რაღაც – ამბობენ მკვლევარები.

“კვანტურ მექანიკურ ფლუქტუაციებს შეუძლიათ წარმოქმნან კოსმოსი” ამბობს SETI-ის ინსტიტუტის (Search for Extra Terrestrial Intelligence)  სენიორ ასტრონომი სეთ შოსტაკი ” თუ თქვენ ამ ოთახში საკმარისად გაამრუდებთ სივრცეს და დროს, თქვენ შეიძლება სრულიად ახალი სამყარო შექმნათ. თუმცა თქვენ მასთან წვდომა არ გექნებათ, მაგრამ შესაძლებელია შექმნათ.” ასე რომ შეიძლება ჩვენი სამყარო, სხვა სამყაროში რომელიმე სამეცნიერო ექსპერიმენტის შედეგიც იყოს, მაგრამ ამ შემთხვევაში “შემქმნელი” ისევ ფიზიკის კანონებით მოქმედებდა, მას ვერასდროს ექნება კავშირი იმ სამყაროსთან რომელიც მის ლაბორატორიაში შეიქმნა. ზუსტად იგივე შეიძლება მოხდეს დიდ ადრონულ კოლაიდერზე, ნაწილაკების ამაჩქარებელში (ჟენევა შვეიცარია) ასეთ დროს მეცნიერები შეიძლება ვერც მიხვდნენ, (ვერ იტყვიან ვერაფერს დანამდვილებით) ვერ დაადასტრურონ, რადგან ახალშობილი სამყარო, ჩვენი მხრიდან გამოჩნდება როგორც მიკრო შავი ხვრელი, რომელიც ძალიან მალე გაქრება. მეორეს მხრივ ახალშობილი სამყარო “გაქრობის” მომენტში მოწყდება ჩვენ სივრცეს და დამოუკიდებლად განვითარდება. სავარაუდოდ მიაღწევს უზარმაზარ ზომებს და განვითარდება აბსოლიტურად დამოუკიდებლად.

კვანტური ფლუქტუაციებით სამყაროს არაფრისგან შექმნის იდეას ყველაზე აქტიურად აჟღერებენ ჰოკინგი და ლოურენს კრაუსი. ასტროფიზიკოსი კრაუსი იკვლევს წარმოშობის საკითხებს ის არის დირექტორი “წარმოშობების პროექტისა” “Origin Project” არიზონას უნივერსიტეტში. მისი ცნობილი ლექცია და წიგნი “სამყარო არაფრისგან” ამტკიცებს რომ სამყარო არაფრისგან წარმოიშვა, კვანტური ფლუქტუაციების შედეგად. არგუმენტები მოკლედ ასე გამოიყურება: 1. კვანტურ სამყაროში შესაძლებელია არაფრისგან რაიმეს მატერიალიზება. 2. პროტონის მასის ძირითადი ნაწილი ცარიელ სივრცეზე მოდის 3. ამტკიცებს რომ სამყარო გეომეტრიულად ბრტყელია, რის შედეგადაც მისი უარყოფითი და დადებითი ენერგიების ჯამი ნულს უდრის. იგივეს ამბობს ჰოკინგიც და დასძენს რომ დიდ აფეთქებამდე არ იყო დრო, შესაბამისად არც ღმერთს ქონდა იმის დრო რომ სამყარო შეექმნა. მეორეს მხრივ აზრს მოკლებულია კითხვა “რა იყო დიდ აფეთქებამდე” რადგან ეს იგივეა რომ სამხრეთ პოლუსზე იკითხო “რა არის სამხრეთ პოლუსის სამხრეთით?”

“სამყარო ბრტყელია,მისი მთლიანი ენერგიის ჯამი ნულს უდრის და ის უნდა დაწყებულიყო არაფრისგან! რათქმაუნდა როცა ეს დავწერე ბევრი სიძულვილის წერილი მივიღე, რომელიც ამბობდა რომ მე ვერ ვპასუხობ იმ შეშლილ კითხვას რომელსაც რელიგიური ხალხი ყოველთვის სვამდა: რატომ არსებობს რაღაც, ნაცვლად იმისა რომ არ არსებობდეს არაფერი? – პასუხი ასეთია: თუ კვანტურ მექანიკაში გაქვს არაფერი, ყოველთვის გექნება რაიმე” ამბობს ლოურენს კრაუსი

ლოურენს კრაუსის ლექცია, “სამყარო არაფრისგან” ვისაც გაინტერესებთ დეტალურად ეს საკითხი აუცილებლად ნახეთ! ძალიან საინტერესოდ და საკმაოდ ამომწურავად ხსნის.

ეს კი Discovery channel-ის ფილმია “ღმერთმა შექმნა სამყარო?” რომელიც ჰოკინგს მიყავს, ძალიან მარტივი ენით ხსნის იმას თუ რატომ უნდა იხელმძღვანელო ფიზიკის კანონებით, რომ ყველაფერი ემორჩილება ფიზიკის კანონებს და არა ზებუნებრივს და შესაბამისად სამყაროს წარმოშობაც უნდა იყოს ფიზიკური კანონების შედეგი და არა ზებუნებრივის. თუ ეს საკითხის სიღრმისეულად გაინტერესებთ, აუცილებლად ნახეთ კრაუსის ლექცია და ჰოკინგის ფილმი.

როგორც ადამიანებს ჩვენ გვაქვს ინსტიქტები და რწმენა რითაც ვაძლევთ მნიშვნელობას სამყაროს რომელშიც ვცხოვრობთ. ამ შესაძლებლობებმა ეჭვ გარეშე გაგვიწია დახმარება განვითარებაში, მაგრამ თანამედროვე დაუჯერებელი სამეცნიერო აღმოჩენების ეპოქაში მეცნიერება და თანდაყოლილი რწმენა უფრო და უფრო შორდება ერთმანეთს.

ფაქტი რომ ჩვენ ვარკვევთ კვანტური სამყაროს ნამდვილ სირთულეს და განუზომლად დიდ მასშტაბებს კოსმოსისა, გვეუბნება რომ მეცნიერება და არა რწმენა ყოვლისშემძლე არსებისა, მოგვცემს პასუხებს, რომელთაც ვიძიებთ.

სამყარო — რამდენადაც შეგვიძლია შევიცნოთ იგი — დაქოქილია ფიზიკური კანონებით და არა მითიური ღმერთებით.

P.S: ბევრი წამიკითხავს ამ თემაზე, განსაკუთრებით ადამიანთა რეაქციები. ერთმა ისიც კი თქვა, მეცნიერები რატომ ლაპარაკობენ ღმერთზე, მათ ხომ თეოლოგია არ იციანო, არადა თეოლოგია და მითოლოგიური ლიტერატურა არაფერ შუაშია. შემოქმედის არსებობა შეიძლება წმინდა ფილოსოფიურ ჭრილში განხილო. მეცნიერული საკითხები კი ხშირად წარმოშობს ფილოსოფიურ კითხვებს. რასაც მეცნიერება ქვია იგი გადაჭრით ვერც უარყოფს და ვერც დაამტკიცებს შემოქმედის არსებობას, მაგრამ ჩემი აზრით სწორია დაეყრდნო ფიზიკის კანონებს და არა მითიურ ფილოსოფიურ დაშვებებს. სწორედ ეს მესიჯი აქვთ ზემოთ ნახსენებ მეცნიერებს.

SPACE.COM – ისა და Discovery News-ის მიხედვით. აგრეთვე ლოურენს კრაუსის ლექცია: “სამყარო არაფრისგან” და დისქოვერის ფილმი “შექმნა ღმერთმა სამყარო?”