Bang Bang – და იქმნა ნათელი

ჩემი  აზრით (და არა მარტო ჩემი) ადამიანი გონიერი არსება მაშინ გახდა როდესაც მასში ცნობისმოყვარეობა დაიბადა. პირველი ნაბიჯებიდანვე ადამიანი ალბათ ცდილობდა გაეცა პასუხი კითხვებს, ვინ ვარ, რა არის ჩემს გარშემო და საიდან გაჩნდა ეს ყველაფერი. ადამიანის უნიკალურმა ფანტაზიამ მრავალი მითი და ლეგენდა შვა, ზოგიერთ კულტურას მიაჩნდა რომ  დედამიწა რომელიმე ღმერთის სხეულისგან ჩამოყალიბდა, ზოგს კი ეგონა რომ ცის თაღი სვეტებს უჭირავს ანდაც ხმელეთი უზარმაზარ სპილოებს უკავიათ ეშვებით, გიგანტური კუს ბაქანზეა მთელი ქვეყანა და ა.შ..

თუმცა, მეცნიერებამ ნელ ნელა ბევრი რამ გამოარკვია, სამყარო იმაზე დიდი და რთული აღმოჩნდა ვიდრე რომელიმე  მითი აღუწერდა ადამიანებს. მიუხედავად იმისა რომ მეცნიერებამ დიდი გზა გამოიარა და ბევრ კითვაზე პასუხი გასცა, ჩვენ ჯერ კიდევ არ ვიცით ზუსტად ვინ ვართ, საიდან მოვედით, საიდან დაიბადა სიცოცხლე და რა იქნება სამყაროს მომავალი. 19-ე საუკუნეში მეცნიერებს მიაჩნდათ რომ სამყარო და შესაბამისად მასში არსებული მატერია იყო უცვლელი და სტატიკური. ანუ სამყარო არასდროს დაბადებულა: – ის იყო არის და იქნება მუდამ. მაგრამ მეოცე საუკუნის 20-იანი წლების დასაწყისში ამერიკელმა ასტრონომმა ედუინ ჰაბლმა გააკეთა რევოლუციური აღმოჩენები, მან აღმოაჩინა რომ ზოგიერთი ნისლეული, სავარაუდოდ ძალიან შორს იყო და წარმოადგენდა ცალკე ვარსკვლავურ სისტემას, ჰაბლმა აღმოაჩინა რომ არსებობს გალაქტიკები, რომ ჩვენც გალაქტიკაში ვცხოვრობთ.

Continue reading

მოდით ფეხებზე დავიკიდოთ ყველაფერი!

ცოტა ხნის წინ ბრაზი მახრჩობდა, მერე გამეცინა ჩემს თავზე, ხშირად პატარა ნაპერწკალი გვყოფნის რომ ავფეთქდეთ, ხანდახან გვეჩვენება რომ არავის ვჭირდებით. ანდაც არავის ესმის ჩვენი ისე როგორც ჩვენ გვინდა. ხანდახან ერთფეროვნება გვახრჩობს, რომელსაც უმუშევრობა ან არასაკმარისი შემოსავალი უწყობს ხელს. ურთიერთობების დეფიციტი ან არასასურველი განვითარება კი სრულყოფილს ხდის ამ მოწყენილობას. ჩვენი ცხოვრება ყოველდღიური მექანიკური მოქმედებების ერთობლიობა ხდება და მეტი არაფერი, ჩვენ გვაღელვებს რას შევჭამთ დღეს და რას ჩავიცვამთ ანზორის ქორწილში. რას იტყვის სტუმარი თუ ხიზილალა არ დახვდება ჩვენ სუფრაზე. ჩვენ პატარა სამყარო გვაქვს რომელიც დღითიდღე ვიწროვდება, ამ სამყაროში, პროგრესი მხოლოდ რუტინული ზრუნვაა მატერიალურ კეთილდღეობაზე, ამ სამყაროში კონფლიქტი არაფრის გამო ხდება. ამ სამყაროში ადამიანები მხოლოდ პატარა საგნებს ხედავენ და ამ პატარა საგნებით ცხოვრობენ, ამ სამყაროში ოცნება მხოლოდ ბევრი ფულია რომლითაც უამრავ პატარა საგანს შეიძენ.

Continue reading

ყოველ 100 მზეში 23 დედამიწაა

დედამიწა აღარ არის განსაკუთრებული ადგილი – ირწმუნება ჟურნალი “Cosmos” ხუთ წლიანი ასტრონომიული კვლევების შედეგად უხეშად რომ ვთქვათ, ყოველი ოთხი მზის მსგავსი ვარსკვლავის ირგვლივ გარშემოექცევა ერთი დედამიწის მსგავსი პლანეტა.

კვლევები გამოქვეყნდა ჟურნალ “Science”-ში. რომელიც ემყარება ჰავაიზე მდებარე ტყუპი ტელესკოპების მეშვეობით გამოკლვეულ  მონაცემებს. გამოკვლეული იქნა 166 ვარსკვლავი 80 სინათლის წლის რადიუსში (დაახლ. 757 ტრილიონი კილომეტრი)

“დაახლოებით ყოველ 100 ტიპიურ მზის მაგვარ ვარსკვლავს ყავს ერთი ან ორი იუპიტერის ზომის პლანეტა, უხეშად რომ ვთქვათ 6 ნეპტუნის ზომის 12 სუპერ დედამიწის ხოლო 10 დედამიწის ზომის პლანეტა. – ამბობს ასტრონომი  წინამდებარე კვლევების ხელმძღვანელი ენდრიუ ჰოვარდი. 

Continue reading

მე VS მე

ყოველთვის მომწონდა ურბანიზაცია, ურბანული დაგეგმარების მაკეტები, არქიტექტურული დიზაინისა და ურბანული ჰარმონიის შერწყმა, ბავშვობიდან, როცა კალმის ხელში ჭერა ვისწავლე, სულ ცათამბჯენებს და ქალაქებს ვხატავდი – მილიონი ფანჯარა, ხუთასი სართული. ვაშენებდი სხვადასხვა ქალაქებს ჩემს სამყაროში, მომწონდა იმის განსაზღვრა სად იქნებოდა ყველაზე ლამაზი და გრანდიოზული სახლი, ცათამბჯენი, კვარტალი. მიყვარდა ამერიკა, იმიტომ რომ მთელი ამერიკა ცათამბჯენების ქალაქი მეგონა. მეგონა ყველა ამერიკელი ცათამბჯენებში ცხოვრობდა. თუმცა ეს წარმოდგენა ძალიან ცოტა ხანს გაგრძელდა რადგან ექვსი წლის ასაკში გეოგრაფია უკვე კარგად ვიცოდი, ახლა საოცნებო ჩარჩოში უფრო მკვეთრად გამოიკვეთა მსოფლიოს დედაქალაქი: დიდი ვაშლი – ნიუ იორკი. ნიუ იორკი დღემდე ჩემი ურბანული (არა მარტო) ოცნებების ქალაქია თავისი არტ დეკო ცათამბჯენებით და გრანდიოზულობით.

Continue reading

Across the universe – ისევ ასტრონომია

მოკლედ გადავწყვიტე გამეკეთებინა “საინტერესო ფაქტები ასტრონომიიდან”-პოსტის გაგრძელება, თუმცა სათაური აღარ მომეწონა და გადავწყვიტე ერთ-ერთი კატეგორიის სახელი დავარქვა.

 

ორმოცი წლის შემდეგ ანუ კაცობრიობის უზარმაზარი ნახტომი

ორმოცი წლის წინ ადამიანის მოგზაურობის არეალი ძალზედ გაიზარდა, მას დედამიწა არ ეყო და კოსმოსში დაიწყო მოგზაურობა, ზუსტად ორმოცი წლის წინ ადამიანმა დატოვა დედამიწა და მთვარეზე ავიდა.

1968 – 1972 წლებში ნასას აპოლოს ასტრონავტები, ახალ კოსმოსურ ხომალდს სცდიდნენ უცნობ ადგილებში მოგზაურობისას.

ყველაფერი 1961 წლის 25 მაისს დაიწყო. როცა პრეზიდენტმა კენედიმ, გამოაცხადა რომ ამერიკის მთავრობას სურდა დეკადის ბოლომდე მოეხერხებინა ადამიანის გაგზავნა მთავრეზე. მხოლოდ სამი კვირის შემდეგ მერკურის ასტრონავტი, ალან შეპარდი გახდა პირველი ამერიკელი ასტრონავტი კოსმოსში. კენედის თამამმა გამოწვევამ მომართა ამერიკელები კაცობრიობის ისტორიაში აქამდე არნახული და შეუძლებელი მოგზაურობის განსახორციელებლად.

Continue reading

რას აკეთებდა ღმერთი სამყაროს შექმნამდე?

რას აკეთებდა ღმერთი სამყაროს შექმნამდე?ეს  კითხვა არასდროს გამჩენია, ან გამჩენია და არ ვიცი, რადგან ეს კონკრეტული კითხვა მიუხედავად იმისა რომ რელიგიურ საკითხებზე ერთი პერიოდი ბევრს ვფიქრობდი , ამ ფორმულირებით არასდროს მომწიფებულა ჩემს გონებაში. მხოლოდ რამდენიმე დღის წინ ანინას ბლოგში წავაწყდი, მისივე დღიურიდან ამოკრეფილ საინტერესო წინადადებებს და გავიფიქრე რომ ეს კითხვა აქამდე მე არ მომსვლია თავში. ღამით არ მეძინებოდა და ისევ რელიგიურ საკითხებზე მეფიქრებოდა.

ჩემი მითოლოგია: თავი პირველი – დაბადებამდე (ღმერთის ვნებანი)

რას აკეთებდა ღმერთი სამყაროს შექმნამდე? ალბათ მოწყენილობისგან ამთქნარებდა. არ იყო  დრო, არც სივრცე, არც მატერია, ღმერთი ეულად ეკიდა სადღაც, ანდაც დაფრინავდა თუმცა ჩამოკიდებაც და ფრენაც ისევე ფიზიკის კანონებს ემორჩილება. ასე რომ თავად ღმერთმაც არ იცის რა მდგომარეობაში იმყოფებოდა მანამდე, არც ის იცის რამდენი ხანი დაჰყო მოწყენილობასა და მთქნარებაში, რადგან აკი ვახსენეთ არც დრო იყო და შესაბამისად ღმერთს ერთი უბადრუკი მაჯის საათი და კედლის კალენდარიც არ ქონდა რომ დრო დაეთვალა. ბევრი იფიქრა თუ ცოტა მოწყენილობისგან თავის დასაღწევად დღიურის წერა გადაწყვიტა,

Continue reading

მითები სამყაროს შექმნის შესახებ (მეორე ნაწილი)

ვაგრძელებ მსოფლიო მითების თხრობას სამყაროს წარმოშობის შესახებ, (იხილეთ პირველი ნაწილი – იყო და არა იყო რა, მითები სამყაროს შექმნის შესახებ )

მაორის მითოლოგიის თანახმად: (ახალი ზელანდია, პოლინეზიელი მკვიდრნი)

თავიდან იყო სიცარიელე ანუ ტე კორე, მისგან წარმოიშვა ტე პო ანუ ღამე, ღამე ბევრი იყო, უკანასკნელი ღამე სივრცეს შეუერთდა და მათგან წარმოიშვა რანგი ანუ ცა (მამა)  და „პაპა“ ანუ დედამიწა (დედა), მათ ერთმანეთი ისე უყვარდათ რომ მჭიდროდ იყვნენ ჩახუტებულნი ისე რომ  ცასა და მიწას შორის არ იყო ადგილი, მათი სიყვარულის შედეგად ასი შვილი გაჩნდა. მათ შორის ტანგაროა – ზღვის ღმერთი,   ტანე – ტყის ღმერთი, ტუმატუენა – ომის ღმერთი, ჰირუ – ბნელეთის ღმერთი და ტაჰირიმატეა – ქარის ღმერთი. ისინი შევიწროებულნი იყვნენ მშობლებისგან, რადგან მიწა და ცა ძალიან ახლოს იყო ერთმანეთთან, ამიტომ  ითათბირეს იმისთვის თუ რა მოემოქმედნათ,

Continue reading

იყო და არა იყო რა – მითები სამყაროს შექმნის შესახებ

ამ ბოლო დროს მითოლოგიამ დამაინტერესა ჰოდა გადავწყვიტე სხვადასხვა კულტურათა მითების შესახებ დამეწერა.

თითქმის ყველა კულტურაში უძველეს დროს ჩაისახა წარმოდგენები და მითები სამყაროს შექმნასთან დაკავშირებით, რათქმაუნდა ყველას აინტერესებდა საიდან გაჩნდა მიწა ცა, ცოცხალი არსებები და ადამიანი.  რადგან ასეთი მითები ბევრია გადავწყვიტე ეს თემა რამდენიმე ნაწილად დავყო, ასე რომ თხრობა მითებზე ამ პოსტით არ დამთავრდება.

სკანდინავიური მითოლოგიის მიხედვით, სამყაროს შექმნამდე იყო სიცარიელე,  არსებობდა მხოლოდ ჩრდილოეთით მყარი ყინულის მთები სამხრეთით კი ცეცხლის ტბები, მათ შუა  უზარმაზარი უფსკრული იყო – გინუნგაგალი.

Continue reading

საინტერესო ფაქტები ასტრონომიიდან

ცხოვრობდა თუ არა მარსზე ვინმე?

უბრალოდ რამდენიმე საინ-ტერესო ფაქტი ასტრონომიიდან, რომლებიც ბოლო დროს იქნა აღმოჩენილი. (წყარო – რათქმაუნდა ყოვლისმცოდნე ნასა)

სულ ცინცხალი (უახლესი)  ცნობით, კვლევების შედეგად საბოლოოდ დადგინდა რომ მარსზე ოდესღაც არსებობდა ნესტიანი გარემო რომელიც შესაძლოა ხელსაწყრელი იყო სიცოცხლისთვის. საინტერესოა რა ფორმა ექნებოდა სიცოცხლეს მარსზე? იქნებოდა თუ არა მარსზე ოდესღაც გონიერი ცივილიზაცია? სიცოცხლის აშკარა ნიშნები ჯერ კიდევ არსად ჩანს.

ჩვენი მზის სისტემიდან 44 სინათლის წლის მოშორებით აღმოჩენილი იქნა პლანეტების სისტემა, რომელიც მზის მსგავს ვარსკვლავს უპსილონ ანდრომედას ეკუთვნის, ეს ვარკსვლავი მზეზე ახალგაზრდაა, ოდნავ დიდია და უფრო ბრწყინვალე, მის გარშემო კი ბრუნავს სამი იუპიტერის მსგავსი გაზის პლანეტა, რომელთა ორიტები უცნაურად ერთმანეთის მიმართ მახვილი კუთხითაა დახრილი .

Continue reading

ჩვენი უნიკალური სახლი – დედამიწა

ჩემი ბავშვობის ოცნება ყოველთვის უკავშირდებოდა უცხო ცივილიზაციებს, მფრინავ თეფშებს, სიცოცხლის ალტერნატიულ შესაძლებლობას ჩვენი პლანეტის გარეთ, მიყვარდა კომიქსები უცხოპლანეტელებზე და მფრინავ თეფშებზე, ღამით ფანჯარასთან   წოლა და ვარსკვლავების ყურება მიყვარდა. როცა ციმციმებდნენ მეგონა, რომ იქ სიცოცხლე ჩქეფდა, სულ ველოდი რომ ერთ დღესაც მფრინავ თეფშს დავინახავდი. ვარსკვლავების ჩამოვარდნაზე მეგონა რომ იმ დროს უცხო დასახლებული პლანეტა იღუპებოდა და უფსკრულში ვარდებოდა. მოგვიანებით გავიგე რომ მეცნიერებს აქამდე არ აღმოუჩენიათ დედამიწის გარეთ სიცოცხლე და მას შემდეგ ნასას ასტრონომობაზე ვოცნებობდი, რომელიც  ბოლოს და ბოლოს აღმოაჩენდა უცხო პლანეტას სადაც სიცოცხლეა. მოკლედ ბავშვობიდან თან მსდევდა ოცნება ახალ სამყაროზე რომელიც სადღაც შორეთში იყო, ხან ვარსკვავებზე ხანაც მარსზე, სატურნზე და ა.შ.. სკოლაში ჩემმა კლასელებმა ჯერ კიდევ არ იცოდნენ მთვარე პლანეტა იყო თუ ცაზე დაკიდული ბურთი რომ მე უკვე სახლში ნაპოვნი ასტრონომიის ძველი გაყვითლებული სახელმძღვანელო გადაკითხული მქონდა და დედამიწის ეკლიპტიკის სიბრტყის ღერძთან მიმართებაში დახრის გრადუსი ვიცოდი.

Continue reading